Një grup mercenarësh mediatikë në Kosovë po parashtrojnë një narrativë tejet të ligë në rrafshin njerëzor dhe thellësisht antikombetare
Shkruan Besmir Lushaj
Një grup mercenarësh mediatikë në Kosovë po parashtrojnë një narrativë tejet të ligë në rrafshin njerëzor dhe thellësisht antikombetare.
Sipas tyre viktimat civile të luftës në Kosovë nuk u vranë duke luftuar e për rrjedhoje na nevojitet njëfarë reduktimi i pranisë së tyre në historinë tonë.
Pra ne nuk duhet të harrojmë asnjëherë se civilët e Reçakut nuk u vranë duke luftuar ashtu si mijëra civilë të tjerë.
Po ashtu duhet të kemi gjithnjë parasysh se 1200 fëmijët e vrarë nga forcat serbe nuk po luftonin, ashtu siç nuk po luftonin as 20 mijë gratë e vajzat e përdhunuara nga paramilitarët e çetnikët.
Ngulmimi në reduktimin e pranisë historike të një realiteti ka gjithmonë për synim të fundëm asgjësimin e tij nga kujtesa kolektive.
E se kujt i vyen ma së shumti asgjësimi i kujtesës historike në Kosovë – kjo dihet.
Rrjedhimisht edhe kujt po ia kryejnë punën mercenarët në fjalë – krejt ashiqare po dihet.
Rruga Press