Ndryshim në hartën zgjedhore të Kosovës – Kurti njofton se LVV kryeson edhe në Klinë

March 31, 2025 user 1

Kryeministri i Kosovës, Albin Kurti, ka njoftuar se pas përfshirjes së votave të mërgatës, atyre me kusht dhe të personave me nevoja të veçanta, Lëvizja Vetëvendosje (LVV) ka dalë e para edhe në komunën e Klinës.

Përmes një postimi në rrjetet sociale, Kurti ka sqaruar se në hartën e publikuar më herët nuk ishin përfshirë këto kategori votash, duke bërë që rezultati përfundimtar të ndryshojë.

“Kur shtohen këto vota, del që Vetëvendosje! edhe në komunën e Klinës është e para, prandaj në hartë tash edhe Klina u bë e kuqe. Ju kërkoj falje për këtë lëshim dhe ju falënderoj për përkrahjen,” ka shkruar Kurti.

Lexo më shumë “Ajo që pamë në Zvërnec na tronditi”/ Qytetarja nga diaspora e Milanos: I kemi dhënë impakt protestës antiqeveritare në Tiranë. Në shtator do të shkojmë në PE

Sipas tij, pas numërimit të plotë të votave në zgjedhjet parlamentare të vitit 2025, LVV ka dalë e para në 22 komuna, Partia Demokratike e Kosovës (PDK) në dy komuna, Lidhja Demokratike e Kosovës (LDK) në një, Aleanca për Ardhmërinë e Kosovës (AAK) bashkë me Nismën Socialdemokrate në dy, KDTP në një, ndërsa Lista Serbe (LS) në 10 komuna, prej të cilave gjashtë janë komuna të krijuara me Planin e Ahtisaarit.

Lexo më shumë Kasami inspekton punimet në rrugën Tetovë–Prizren: Projekt strategjik për lidhjen me Kosovën

Kurti e ka cilësuar këtë rezultat si një fitore të rëndësishme për partinë e tij, duke falënderuar qytetarët dhe aktivistët për mbështetjen e tyre.

Rruga Press