Bota

Eurodeputeti francez i kërkon Amerikës të kthejë Statujën e Lirisë, të cilin Franca ja ka pas bërë dhuratë: Ne ua dhamë, por ju duket se e përbuzni

”Na ktheni Statujën e Lirisë”, është kërkesa e çuditshme e bërë nga socialisti francez Raphawl Glucksmann, sipas të cilit Parisi duhet të marrë mbrapsht monumentin sepse Shtetet e Bashkuara nuk përfaqësojnë më vlerat që e shtynë Francën të bëjë këtë dhuratë.

“Amerikanëve që kanë zgjedhur të qëndrojnë në anën e tiranëve, të cilët pushojnë studiuesit sepse kërkojnë liri shkencore, ne u themi: na ktheni statujën”, theksoi eurodeputeti dhe themeluesi i ”Place Publique”, në një konventë.

“”Ne ua dhamë, por ju duket se e përbuzni. Kështu që do të jetë mirë këtu në shtëpi”, shtoi ai.

Lexo më shumë  Japonia vendos raketa me rreze të gjatë veprimi, të afta për të goditur Korenë e Veriut dhe Kinën

Statuja e Lirisë u zbulua në portin e qytetit të Nju Jorkut më 28 tetor 1886, në 100-vjetorin e Deklaratës Amerikane të Pavarësisë si një dhuratë nga populli i Francës për Amerikën.

Është projektuar nga francezi Auguste Bartholdi.

Parisi ka një kopje shumë më të vogël të statujës në një ishull të vogël në Paris.

Glucksmann, një mbrojtës i vendosur i Ukrainës, ka kritikuar ashpër ndryshimin rrënjësor të presidentit Donald Trump në politikën e SHBA-së për luftën.

Ai gjithashtu synoi shkurtimet e Trump në institucionet kërkimore të SHBA-së, të cilat tashmë kanë nxitur qeverinë franceze të nisë një iniciativë për të tërhequr disa prej tyre për të punuar në Francë.

Lexo më shumë  Paqeruajtësit në Ukrainë duhet të jenë të gatshëm të luftojnë kundër Rusisë nëse është e nevojshme, thotë një ish-zyrtare e NATO-s

“Gjëja e dytë që do t’u themi amerikanëve është se nëse doni të pushoni studiuesit tuaj më të mirë, nëse doni të pushoni të gjithë njerëzit që, përmes lirisë së tyre dhe ndjenjës së tyre të inovacionit, shijes së tyre për dyshim dhe kërkime, e kanë bërë vendin tuaj fuqinë kryesore botërore, atëherë ne do t’i mirëpresim ata”, shtoi ai.

Rruga Press

YouTube player