E duam Shqipërinë si “gjithë” Kosova!
Shkruan Mentor Kikia
“E duam Shqipërinë si gjithë Europa”- kjo thirrje u artikulua për herë të parë në Dhjetor 1990 në Qytetin Studenti, dhe ende vazhdon, sepse ne ende nuk e kemi Shqipërinë as si gjithë Europa, as edhe si ndonjë shtet i vetëm i saj.
Por, a mund ta kemi të paktën si Kosova? Së paku në një drejtim, atë të mbajtjes së zgjedhjeve.
Edhe pse pati një fushatë elektorale agresive, ku më shumë qeveria u përball me klanet ekonomike që varen nga importet e produkteve nga Serbia sesa me opozitën politike, u arrit një proces zgjedhor i pakontestueshëm.
Të paktën subjektet politike pranuan rezultatin.
Vota e mërgatës ishte një model, për nga ana organizative.
Rezultati u mësua që në mesnatë dhe nuk u deshën disa ditë, si në Shqipëri.
Qeveria e Shqipërisë dhe KQZ-ja e saj nuk duhet të kenë komplekse që të mësojnë edhe nga Kosova.
Nuk po presim standarde Suedeze, por të paktën standardet e Kosovës i duam.
Rruga Press