Milorad Dodik pret për një “Trump të ri” në Shtëpinë e Bardhë, që Republika Serbska të shkëputet nga Bosnja
Udhëheqësi i serbëve të Bosnjës dhe Hercegovinës shpreson për një “Trump të Ri’ në Shtëpinë e Bardhë për shpalljen e pavarësisë së entitetit serb, Republika Serbska.
Milorad Dodik, tha sot në një konferencë për shtyp në kryeqytetin e Serbisë, Beograd, se ai është duke pritur për përfundimin e mandatit të Joe Biden në Shtëpinë e Bardhë dhe se nëse, siç e quajti ai, “Një Trump i ri ”merr drejtimin e SHBA -së, atëherë entiteti serb duhet të shpallë pavarësinë nga BiH.
Milorad Dodik është aktualisht në listën e zezë amerikane. Në vitin 2017, Departamenti i Shtetit i ndaloi hyrjen në SHBA, si dhe i ngriu të gjitha asetet e tij financiare brenda vendit të tyre. Kjo për shkak të cënimit të vazhdueshëm ndaj Marrëveshjes së Dejtonit.
Pararësisht kësaj, “epoka Trump” ishte momenti i afrimit të Dodikut dhe Vuçiçit me Shtëpinë e Bardhë, e cila u ndërpre me ardhjen e Presidentit Biden.
Rruga Press