Gjermania është në recesion për të dytin vit radhazi

Ekonomia gjermane është në recesion për të dytin vit radhazi, njoftoi Zyra Federale e Statistikave në Wiesbaden.

“Të ardhurat kombëtare bruto u reduktuan me 0,2 për qind në vitin 2024. Kështu, ekonomia gjermane u tkurr për të dytin vit radhazi, pasi u reduktua me 0,3 për qind në vitin 2023”, tha Zyra Federale e Statistikave në një deklaratë të bazuar në të dhënat e përkohshme për vitin e kaluar.

“Barrët ekonomike dhe strukturore penguan zhvillimin më të favorshëm ekonomik edhe vitin e kaluar”, përfundon ai.

Raporti vazhdon duke përmendur konkurrencën në rritje për eksportuesit gjermanë në tregjet kryesore, çmimet e larta të energjisë, normat e larta të interesit dhe “parashikimet e pasigurta ekonomike”.

Konsumi i dobët i brendshëm është gjithashtu një nga arsyet e dobësimit të ekonomisë. Siç u tha, konsumi u rrit me vetëm 0.3 për qind, shkruan ft.

“Shumë qytetarë për shkak të pasigurisë së përgjithshme preferojnë të kursejnë sesa të shpenzojnë, edhe pse pagat reale janë rritur”, thuhet në komunikatë.

Edhe për vitin aktual 2025, ekonomistët parashikojnë rritje të dobët ekonomike.

Nga njëra anë, siç u tha, priten sinjale pozitive reforme pas ardhjes në pushtet të qeverisë së re në pranverë, por në të njëjtën kohë ka pasiguri për shkak të masave të mundshme që mund të prezantojë presidenti i sapozgjedhur i SHBA-së, Donald Trump, i cili merr detyrën në fund të janarit.

Rimëkëmbja ekonomike është një nga temat më të rëndësishme të fushatës parazgjedhore për zgjedhjet e parakohshme parlamentare, të cilat mbahen më 23 shkurt.

Rruga Press