Kievi thotë se ka kryer sulmin më të madh ndaj Rusisë që nga fillimi i luftës

Ukraina ka goditur disa objektiva thellë brenda Rusisë të martën, duke e cilësuar këtë si sulmi i saj “më masiv” i luftës deri më tani.

Sipas Shtabit të Përgjithshëm të Forcave të Armatosura të Ukrainës, depot e municioneve dhe impiantet kimike u goditën në disa rajone, disa prej të cilave ishin qindra kilometra larg kufirit, raporton BBC.

Burime në agjencinë e inteligjencës të Ukrainës SBU i kanë thënë BBC-së se sulmi brenda natës ishte një “goditje e dhimbshme” për aftësitë e Rusisë për të bërë luftë.

Rusia ndërkaq ka thënë se ka rrëzuar raketat Atacms të furnizuara nga SHBA-ja, si dhe raketa lundrimi “Storm Shadow” të prodhuara në Mbretërinë e Bashkuar, teksa është zotuar se do t’i përgjigjet sulmit.

Të paktën nëntë aeroporte në Rusinë qendrore dhe perëndimore ndaluan përkohësisht trafikun, ndërsa sulmet bënë që shkollat në rajonin jugperëndimor të Saratovit të mbyllen.

Sulmet në rajonin kufitar të Bryansk shkaktuan shpërthime në një rafineri, depo municionesh dhe një fabrikë kimike që thuhet se prodhonte barut dhe eksplozivë, ka thënë një burim ukrainas i sigurisë për BBC-në.

Shtabi i Përgjithshëm pretendon se ka goditur objektiva deri në 1,100 km nga kufiri.

Rruga Press