Kearns: Mosekstradimi i Radoiçiqit nga Serbia inkurajoi sulmin në Ibër-Lepenc
Deputetja e Britanisë së Madhe, Alicia Kearns, ka thënë se Mbretëria e Bashkuar duhet të qëndrojë krah Kosovës kundër terrorizmit.
Sipas saj, sulmi terrorist në kanalin e Ibër-Lepencit në veri javën e kaluar, ka qenë përpjekje për të shkaktuar dëm te civilët.
Kearns ka shtuar se dështimi i Serbisë për ta arrestuar dhe ekstraduar Milan Radoiçiqin dhe përgjegjësit e tjerë për sulmin në Banjskë, ka inkurajuar të tjerët që të vazhdojnë me akte të tilla.
”Sulmi terrorist në rrugën ujore Ibër Lepenci në Kosovë ishte një përpjekje e qartë për t’i shkaktuar dëm civilëve përmes shkatërrimit të infrastrukturës kritike. Dështimi i Serbisë për të arrestuar dhe deportuar Milan Radoiçiqin dhe të tjerët përgjegjës për sulmin në Banjskë i inkurajon të tjerët të ndjekin shembullin e tyre, duke besuar se do të gjejnë strehë të sigurt pas akteve të tilla. Mbretëria e Bashkuar duhet të qëndrojë me vendosmëri me Kosovën kundër terrorizmit”, ka shkruar ajo në platformën “X”.
Rruga Press