Grupi i socialistëve dhe demokratëve në Parlamentin Evropian dënojnë sulmin në Zubin Potok dhe i bëjnë thirrje Serbisë
Në lidhje me sulmin terrorist të natës së mbrëmshme në Zubin Potok të Kosovës, ka reaguar edhe Aleanca Progresive e Socialistëve dhe Demokratëve të Evropës, grupim politik në Parlamentin Evropian i Socialistëve të Evropës.
Në deklaratën e tyre ata shprehen se e dënojnë fuqishëm sulmin në infrastrukturën në Zubin Potok që la pa ujë një pjesë të madhe të Kosovës.
“Ky akt duhet të hetohet tërësisht dhe autorët të mbahen përgjegjës.”, thuhet në deklaratën e grupit të Parlamentit Evropian.
Po ashtu, ata u bëjnë thirrje autoriteteve serbe që këtë herë të bashkëpunojnë plotësisht me hetimin.
Rruga Press