Çeku: Brenda pesë viteve do të ndërtohen dhe rinovohen 27 stadiume

November 13, 2024 User2

Brenda pesë viteve të ardhshme në Kosovë planifikohet të ndërtohen dhe rinovohen 27 stadiume, duke përfshirë edhe stadiumin nacional.

Ky është plani që e ka zbuluar ministri për Kulturë, Rini dhe Sport, Hajrulla Çeku.

Në një konferencë për media pas mbledhjes së Qeverisë, Çeku ka thënë se është arritur marrëveshja me Federatën e Futbollit të Kosovës (FFK), UEFA-n, FIFA-n dhe 16 komuna të Kosovës për zbatimin e këtij projekti, në mënyrë që Kosova të jetë gati me infrastrukturë sportive për Lojërat Mesdhetare të vitit 2030.

Lexo më shumë Shqipëria në 2024 shiti më pak prodhime shqiptare në tregjet ndërkombëtare ndërsa nga ana tjetër bleu më shumë mallra të huaja. Bizneset në prag falimentimi

Në kuadër të planifikimeve që do të ndërtohen dhe rinovohen janë, si; stadiumi i qytetit në Ferizaj, stadiumi i qytetit Pejë, stadiumi “Përparim Thaçi” në Prizren, Parku dhe Palestra e sportit, Gjilan, stadiumi i qytetit Suharekë, Pishina gjysmë-olimpike në Podujevë, Stadiumi i qytetit të Gjilanit, zgjerimi i Qendrës Nacionale të Xhudos në Pejë, Palestrat e xhudos (doxho) në qendrat nacionale, pastaj stadiumi i Atletikës në Kamenicë, Palestra e gjimnastikës në Fushë Kosovë, si dhe sStadiumi i qytetit në Rahovec.

Lexo më shumë Azizi: Kur kemi një Kosovë të fortë, me integritet territorial cep më cep, kemi edhe shqiptarë të fortë në çdo pjesë të Ballkanit dhe rajonit

Rruga Press