Gjermania dhe Franca zotohen për bashkëpunim më të ngushtë pas fitores së Trumpit

Kancelari gjerman Olaf Scholz dhe presidenti francez Emmanuel Macron zhvilluan sot në mëngjes një konferencë telefonike – në funksion të fitores së Donald Trump në zgjedhjet presidenciale në SHBA.

Një zëdhënës i qeverisë gjermane tha se dy liderët evropianë kishin rënë dakord të koordinoheshin më ngushtë me njëri-tjetrin. Fillimisht nuk u zbuluan detaje të mëtejshme të bisedës.

“Ne do të punojmë në këtë kontekst të ri për një Evropë më të bashkuar, më të fortë, më sovrane. Në bashkëpunim me SHBA-në dhe duke mbrojtur interesat dhe vlerat tona”, shkroi Macron në X pas bisedës.

Rruga Press