6 vende të BE-së rrëzojnë Britaninë si vendi më i vaksinuar në kontinent
Gjashtë shtete të BE -së kanë vaksinuar plotësisht një pjesë më të madhe të popullsisë së përgjithshme sesa Mbretëria e Bashkuar, sipas një raportimi nga The Guardian.
Kjo për shkak se fushatës së vrullshme të vaksinimit në Britani i ka rënë intensiteti, teksa aktualisht ka vaksinuar plotësisht 57.3% të popullsisë dhe 69% pjesërisht.
Malta, Belgjika, Spanja, Portugalia, Danimarka dhe Irlanda kanë kapërcyer Mbretërinë e Bashkuar përsa i përket përqindjes së vaksinuar të popullsisë.
Sipas shifrave, deri më 4 gusht, Malta kishte vaksinuar plotësisht 88% të popullsisë së përgjithshme, ndërkohë që 91% kanë marr të paktën një dozë.
Belgjika ka vaksinuar plotësisht 61% të popullsisë dhe 70% pjesërisht; Spanja qëndron në raportet 60% të vaksinuar plotësisht dhe 70% pjesërisht; Portugalia 59% plotësisht e 70% pjesërisht; Danimarka me 58% plotësisht dhe 73% pjesërisht; dhe Irlanda me 57.4% plotësisht dhe 68% pjesërisht.
Fushata, që nisi suksesshëm në Britani, u ngadalësuar për shkak se tashmë ndër personat që kanë ngelur pa vaksinuar, ka një pjesë që është skeptike për marrjen e saj. Tjetër arsye lidhet me faktin se Britania vetëm këtë javë shpalli fillimin e vaksinimit për grupmoshat 16-17, ndërkohë që vende të tjera të BE-së kanë javë që e kanë filluar.
Normat e vaksinimit po përparojnë ngadalë në çdo grupmoshë në Mbretërinë e Bashkuar, por veçanërisht në grupmoshën 18-29 vjeç-për shkak të perceptimit se të rinjtë nuk janë në rrezik. Rreth 33% e personave 18 dhe 30-vjeçarëve ende nuk kanë marrë dozën e tyre të parë.
E kundërta ndodhi me fushatën e vendeve të BE-së, e cila u përball me vonesa për shkak të problemeve të prodhimit dhe furnizimit me vaksina, por tashmë po ecën me ritme më të shpejta se vendet e tjera të zhvilluara.
Vende si Franca, madje, kanë ndërrmarr edhe masa shtrënguese për të rritur shifrat e vaksinimit përballë përhapjes së variantit ngjitës Delta të koronavirusit.
Të dhënatdo të bëjnë presion mbi qeverinë e Boris Johnson për të rindezur një program që filloi si një nga më të shpejtët në botë,
Të dhënat mendohet se do të shtojnë presionin mbi qeverinë e Boris Johnson për nevojën e një hovi të ri vaksinimi, për të shmangur kthimin e izolimit në shtator./exit