Muja: Saimir Mane njëfarë vakti edhe në Kosovë ka bë ligje kur ka qenë Qeveria Hoti

Diten e djeshme pas arrestimit të ish-Presidentit të Shqipërisë, Ilir Meta, u zbardh dhe akuza nga ana e Byrosë Kombëtare të Hetimit. Në një nga akuzat e ngritura nga BKH-ja, Ilir Meta akuzohet se ka ndryshuar një ligj në interes të oligarkut famëkeq Samir Mane, për të cilin shumë pak media ia përmendin emrin, e shumë të tjera e kanë një nga sponsorët kryesorë.

Pas ngjarjes së djeshme, deputeti nga radhët e Lëvizjes VETËVENDOSJE!, Armend Muja tregon për influencën korruptive të Samir Manes edhe në Kosovë gjatë Qeverisë Hoti.

Më poshtë mund të lexoni reagimin e tij të plotë:

“Saimir Mane njëfarë vakti edhe në Kosovë ka bë ligje kur ka qenë Qeveria Hoti. Me propozim të Grupit Parlamentar të AAK-së, në Ligjin për Rimëkëmbje Ekonomike ishte shtu një amandament për një nen që parashihte lirim të energjisë elektrike për Ferronikelin, i cili atë kohë ishte në pronësi të Saimir Manes dhe të pezullohen pagesat e rentës minerare. Komisioni i Minierave (KPMM) nuk e kishte ngarkuar asnjëherë Ferronikelin me rentë minerare siç parashihte ligji.

A e ka hetu ndonjëherë Prokuroria këtë pazar? Apo ndoshta Dauti nuk i ka thënë Blerim Isufajt me e hetu këtë rast.“

Rruga Press