Miratohet Projektligji për sigurimin e detyrueshëm shëndetësor në Kosovë

August 28, 2024 User2

Qeveria e Kosovës miratoi sot Projektligjin për Sigurimin e detyrueshëm shëndetësor.

Kryeministri Albin Kurti para kabinetit qeveritar tha se synim i tyre është që të garantojnë sigurim publik shëndetësor për të përmirësuar cilësinë e jetës.

“Ku ka më mirë se ta fillojmë rendin e ditës me këtë punë…”, tha Kurti.

Ndërkaq, ministri i Shëndetësisë, Arben Vitia tha se kjo nismë ligjore është paraprirë nga një proces i detajuar planifikimi, analizimi e diskutimi.

Lexo më shumë Kërcënohet me vdekje gazetari Osman Stafa/ Asociacioni i Gazetarëve të Shqipërisë: Policia e Shtetit të hetojë rastin me urgjencë

“Ky projektligj është hapi themelor drejt krijimit të sigurimeve shëndetësore… Me këtë nismë themelohet fondi i sigurimit të detyrueshëm shëndetësor…”, tha ai.

Sipas tij, për herë të parë përcaktohen rregullat për listën e barnave të rimbursueshme që do të transformojë rrënjësisht mbështetjen që shteti jep për qytetarët.

“Me këtë rregullohen edhe çështjet e mbledhjes së kontributeve nga qytetarët për fondin e sigurimeve shëndetësore dhe këto kontribute do të jenë një nga burimet e rëndësishme të financimit të shëndetësisë në të ardhmen e afërt”, tha tutje ministri.

Lexo më shumë Kurti thirrje liderëve politikë: Jemi kaq afër zgjidhjes për presidentin saqë do të ishte e pafalshme të shkojmë sërish në zgjedhje për të ardhur përsëri në të njëjtën pikë

Ai tha se ky është një moment vendimtar për vendin, për marrëdhënien qytetar –shtet dhe për ngritjen e sistemit shëndetësor në një nivel të ri.

“Zbatimi i këtij ligji do të jetë një nga sfidat më domethënëse të qeverisjes sonë…”, tha ai.

Rruga Press