Osmani diskuton me Scholzin për integrimin euroatlantik të Kosovës

Presidentja e Kosovës, Vjosa Osmani, ka diskutuar me kancelarin gjerman Olaf Scholz për angazhimin e përbashkët për integrimin euroatlantik të Kosovës.

Osmani ka njoftuar në Facebook për takimin me kancelarin gjerman. Dyshja u takua në kuadër të samitit të liderëve të Komunitetit Politik Evropian në Britani të Madhe.

“Diskutim i rëndësishëm me Kancelarin Scholz në kuadër të Samitit të Liderëve të EPC-së, lidhur me angazhimin tonë të përbashkët për integrimin euroatlantik të Kosovës.

Samiti ka për qëllim adresimin e çështjeve më urgjente për sigurinë dhe mirëqenien e qytetarëve anekënd Evropës.

Rruga Press