Peci: Toka e Kosovës sivjet do të prodhojë deri 150 000 ton më shumë grurë sesa vitin e kaluar

July 8, 2024 User2

Ministri i Bujqësisë, Pylltarisë dhe Zhvillimit Rural, Faton Peci, ka thënë se një qytetar i Kosovës llogaritet se konsumon në ditë mesatarisht prej 250 deri 300 gram miell.

Përmes një postimi në Facebook, Peci ka njoftuar se për 365 ditë kjo i bie 140 deri 150 kg grurë, raporton Ekonomia Online.

Lexo më shumë Presidentja Haxhiu dënon ashpër sulmin ndaj zëvendës Ministrit Mehani nga Sami Lushtaku: Institucionet përgjegjëse të veprojnë menjëherë

Sipas tij, 67 kilogramë grurë në vit është mesatarja botërore për kokë banori.

“Kosova ka importuar vitin e kaluar 139 000 ton me grurë. E këtë vit, toka e bekuar e Kosovës, minimalisht po i prodhon 140 000 deri 150 000 ton më shumë se vitin e kaluar. Ne kemi të dhëna të sakta për çdo hektar të mbjellë. Në këtë llogaritje nuk përfshihen sipërfaqet nën 1ha që ne si Ministri nuk i subvencionojmë”, ka shkruar Peci.

Lexo më shumë Legjenda e boksit Luan Krasniqi bën thirrje për regjistrimin e mërgatës: Albin Kurti punon dhe vepron për popullin e vet, ndërsa koha do t’i tregojë të gjitha

Rruga Press