Evakuohet pallati i Versajës, forca të shumta të ushtrisë futen brenda

July 4, 2024 user 1

Njësi të armatosura rëndë të ushtrisë franceze janë futur në pallatin e Versajës në Francë, si pasojë e “një incidenti të sigurisë”.

Policia u pa duke u futur në atraksionin turistik në afërsi të Parisit, kurse vizitorët e shumtë janë evakuuar.

Qytetarët janë këshilluar të shmangin këtë zonë, kurse një deklaratë zyrtare pritet t’i dërgohet mediat lidhur me intervenimin.

🔴Une intervention est en cours au Château de Versailles. Les forces de sécurité sont sur place. Évitez le secteur et suivez les consignes des autorités.
Ne relayez pas de fausses informations. pic.twitter.com/M06T36oIQr
— Préfet des Yvelines 🇫🇷 (@Prefet78) July 4, 2024

“Forcat e sigurisë janë në terren. Shmangni zonën dhe ndiqnin instruksionet e autoriteteve. Mos u besoni informacioneve të rreme”, u tha nga policia franceze.

Lexo më shumë Sekretarja e Jashtme britanike: Irani nuk mund të mbajë peng ekonominë globale

Dëshmitarët okularë thonë se ishin duke pritur në radhë, kur forcat e sigurisë u shfaqën befasisht në objekt.

Fedde Benedictur tha në platformën X: “Çfarë po ndodhë këtu? Ishim duke pritur që të ndalohet të futemi në pallat dhe tani jemi evakuuar sepse ushtria sapo është futur brenda”.

Qindra turistë raportohet se kanë mbetur jashtë duke parë se çfarë po ndodhë.

Lexo më shumë Momçilo Gajiq, udhëheqësi i grupit serb që shkaktoi trazira në Evropë me urdhër të inteligjencës ruse – strehohet në Moskë

Gazetari francez Hugo Palacin tha se: “pallati i Versajës është bllokuar, GIGN sapo është futur derisa qindra turistë po prisnin jashtë”.

Rruga Press