Ndalet kontrabandimi i medikamenteve, Dogana i gjen në gomat rezervë të veturës

May 14, 2024 user 1

Dogana e Kosovës ka arritur të parandalojë një tentim kontrabandimi të medikamenteve në pikën doganore të Hanit të Elezit të martën.

Siç bëhet e ditur në një komunikatë për media, drejtuesi i veturës me targa të Kosovës dhe bashkëudhëtarja kishin thënë se s’kanë mall për të deklaruar, por gjatë kontrollit medikamente u gjetën në gomat rezervë.

Lexo më shumë Miratohen në Qeveri tri protokollet e CEFTA-s, Kusari-Lila: Arritje e madhe, pa përfshirjen e UNMIK-ut në proces

Llojet e medikamenteve të gjetura përfshijnë, sipas njoftimit të doganës: “OZEMPIC 1mg – 45 pako, TRESIBA 5X3 ml – 20 pako, RYZODEG 5X3 ml – 10 pako, NOVOMIKS 5X3 ml – 20 pako, JARDIANCE 10 mg – 20 pako, RYBELSUS 14 mg – 8 pako, RYBELSUS 7 mg – 1 pako, RYBELSUS 3 mg – 1 pako”.

Sipas Doganës, është konstatuar se personi ka kryer kundërvajtje doganore dhe sipas Kodit Doganor e të Akcizave parashihet gjobitje.

Lexo më shumë Opozita do zgjedhje, që të mbërrijë diçka më shumë se rezultati i 28 dhjetorit. Ta shohim në qershor nëse votuesi do t'i mbështesë për bllokadën e re apo do t'i ndëshkojë

Rruga Press