Gjermanët kthehen nga pushimet të infektuar – në cilat vende është rreziku më i madh?
Instituti Robert Koch ka publikuar raportin e tij të rregullt javor mbi gjendjen e pandemisë në Gjermani, i cili analizon, ndër të tjera, sa gjermanë u infektuan me koronavirus gjatë pushimeve të tyre jashtë vendit.
“Infeksionet me COVID-19, të cilat ndoshta kanë ndodhur gjatë udhëtimeve ose gjatë pushimeve, luajnë një rol në rritje në shkallën aktuale të infeksioneve në Gjermani,” thonë nga Instituti.
Nga 28 qershori deri më 25 korrik, u raportuan 3.662 raste të personave të sapo infektuar, dhe supozohet se pacientët ishin të ekspozuar ndaj koronavirusit jashtë vendit.
Sipas të dhënave të këtij instituti, shumica e banorëve të Gjermanisë janë infektuar me koronavirus në periudhën e kaluar në Spanjë (1.247 persona).
Turqia është në vendin e dytë (249), ndërsa Holanda në vendin e tretë (203). Kroacia është e katërta (197), dhe Greqia e pesta (180 të infektuar).
Nga vendi i gjashtë në vendin e dhjetë janë Rusia, Franca, Italia, Austria dhe Danimarka.
Sigurisht, shumica e gjermanëve janë ende të infektuar me koronavirus brenda Gjermanisë (81 për qind e infeksioneve të reja).