Digjet vetura e hetuesit policor në veri të Kosovës

April 3, 2024 user 1

Një veturë e markës “Dacia” me targa BG është djegur tërësisht, por për fat të mirë përveç dëmeve materiale nuk ka të lënduar në njerëz.

Ngjarja ka ndodhur sot rreth orës 5:00 të mëngjesit pranë ndërtesës të quajtur “Vampirusha”, në veri të Mitrovicës, derisa vetura ishte e parkuar.

Lexo më shumë Komandant Jashari i FSK-së pret në takim Zv. Agjutantin e Gardës Kombëtare të Ajovës së ShBA-së

Burime të KosovaPress-it, bëjnë të ditur se vetura është pronë e hetuesit policor të nacionalitetit serb me inicialet Zh. K. i cili punon në jug të Mitrovicës. Sipas këtyre burimeve, dyshohet se vetura është djegur qëllimshëm nga persona deri tash të panjohur, për shkak të bashkëpunimit të pronarit të veturës me institucionet e Kosovës.

Mësohet se njësitë e zjarrfikësve kanë dalë menjëherë në vendin e ngjarjes, ndërsa policia po punon në gjetjen e autorëve të këtij incidenti.

Lexo më shumë 33 mijë të rinj më pak në Shqipëri… shtohen me 8.3% të moshuarit mbi 85 vjeç

Rruga Press