Rusia vë në listën e të kërkuarve kryeministren e Estonisë, Kallas përflitet si pasuesja e Borrellit

Kremlini ka vënë në listën e të kërkuarve kryeministren e Estonisë, Kaya Kallas. Lajmi u bë i ditur nga të dhënat e Ministrisë së Brendshme ruse.

“Kaya Kallas, e datëlindjes 1977, është në kërkim me nen të Kodit Penal”, thuhej në bazën e të dhënave të Ministrisë së Punëve të Brendshme të Rusisë, por nuk u saktësua se mbi çfarë baze kërkohej kryeministrja e Estonisë.”- thuhet në njoftim.

Burime jozyrtare bëjnë me dije se Kaya Kalas akuzohet për shkatërrim dhe dëmtim të monumenteve të ushtarëve sovjetikë.

Një burim i paidentifikuar i tha TASS se ishte hapur një rast kundër Kalas dhe Sekretares së Shtetit të Estonisë, Taimara Peterkopa për “shkatërrimin dhe dëmtimin e monumenteve të ushtarëve sovjetikë”.

Kryeministrja e Estonisë ka patur një qëndrim të ashpër karshi Rusisë duke e konsideruar një vend me rrezikshmëri të lartë për sigurinë e vendeve perëndimore.

Përveç kësaj, ajo deklaroi se është “gati të ndryshojë kushtetutën e Estonisë” në mënyrë që t’i privojë rusët dhe bjellorusët nga e drejta për të votuar në zgjedhjet lokale në Estoni.

Përtej retorikës kritike, Rusia ka një tjetër arsye për të sulmuar kryeministren e Estonisë. Emri i Kaya Kallas është përfolur gjatë në mediat prestigjioze ndërkombëtare si pasuse e shefit të diplomacisë së BE-së, Josep Borrell.

Kallas, e cila në rast të zgjedhjes së saj si kryediplomate e BE-së do të marrë përsipër edhe procesin e dialogut në mes të Kosovës dhe Serbisë.

Rruga Press