Tensione jashtë dhe brenda Kuvendit, gardistët “mur” për moslejimin e deputetëve të përjashtuar të futen në seancë

Kanë nisur përplasjet e para në hyrjen e Kuvendit, ku efektivë të Gardës kanë krijuar një “mur” për moslejimin e deputetëve të përjashtuar të futen në seancë.

Teksa ligjvenesiot e perjashtuar nuk lejohen te futen brenda, ne sallen e seancave plenare ka nisur revolucioni i karrigeve per permbysjen e pushteit i dirigjuar nga deputeti Flamur Noka. 

SEANCA

Kuvendi mblidhet sot në seancë plenare ndërsa pika e parë e rendit të ditës do të jetë shqyrtimi i kërkesës së SPAK “Për dhënien e autorizimit nga Kuvendi për arrestimin/heqjen e lirisë së deputetit  Sali Berisha, nëpërmjet zëvendësimit të masës së sigurimit”.

Votimi për këtë kërkesë sipas Kushtetutës dhe rregullores së Kuvendit kërkon shumicë të thjeshtë.

Të hënën e 18 dhjetorit, Këshilli i Mandateve mori në shqyrtim kërkesën e SPAK dhe vendosi t’ia kalojë relacionin Kuvendit për miratim në seancën e sotme. Anëtarët e Këshillit votuan me 6 vota pro kërkesës. Tashmë pritet edhe votimi në seancë plenare që SPAK të ekzekutojë vendimin për ndryshimin e masës së sigurisë që vjen, sipas SPAK, në kushtet kur Berisha nuk ka zbatuar masën e sigurisë detyrim paraqitjeje që është në fuqi ndaj tij në lidhje me hetimin e çështjes së ish-kompleksit “Partizani”.

Kuvendi po ashtu pritet të shqyrtojë edhe projektligjin  “Për aderimin e Republikës së Shqipërisë në Unionin për Konservimin e Natyrës (IUCN)”, projektligjin “Për ratifikimin e marrëveshjes së nivelit të lartë, ndërmjet Republikës së Shqipërisë dhe Bashkimit Evropian, për hartat treguese të rrjetit transevropian të transportit në Shqipëri”, projektligjin “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë, për bashkëpunim financiar 2020, për projektin “Programi i performancës dhe investimeve në sektorin e ujërave, pjesa e dytë, (infrastruktura 2 komunale, faza V, pjesa II)””.

Kuvendi shqyrton edhe projektligjin “Për disa shtesa në ligjin nr. 92/2014, “Për tatimin mbi vlerën e shtuar në Republikën e Shqipërisë”, të ndryshuar”, projektligjin “Për disa shtesa dhe ndryshime në ligjin nr. 8891/2002 “Për organizimin dhe funksionimin e Komisioneve Hetimore të Kuvendit”.

Rruga Press