Në Budvë shfaqet pano e madhe “Kur ushtria serbe të kthehet në Kosovë”
Analisti malazias Ljubomir Filipoviq ka postuar një video në platformën “X” ku në Budvë është shfaqur një pano e madhe ku shkruan “Kur ushtria të kthehet në Kosovë”.
Filipoviq ka thënë se për më pak se dy muaj, janë shfaqur mbi 30 pano nacionaliste serbe nëpër Budvë.
“Një pano e madhe ‘Kur ushtria (serbe) kthehet në Kosovë’ është shfaqur në qytetin tim Budva sot. Pos kësaj, për dy muaj tashmë, ka më tepër se 30 billborde serbe nacionale në gjithë qytetin tonë të vogël. Po thonë se malaziasit nuk ekzistojnë si komb i ndarë”, ka shkruar Filipoviq në platformën “X”.
Grafite të tilla janë shfaqur me muaj të tërë në Serbi, ndërsa ishin shfaqur edhe në veri të Kosovës.
Huge banner “When (Serbian) Army Returns to Kosovo” popped up in my hometown Budva today. In addition, for two months already, there are more than 30 Serbian nationalist billboards all over our small town. They’re saying that Montenegrins do not exist as a separate nation. pic.twitter.com/WwcMR4u7h8
— Ljubomir Filipović (@ljubofil) December 14, 2023
Rruga Press