90% më pak ndihma se një vit më parë për Ukrainën, niveli më i ulët që nga fillimi i luftës

Në raportin e fundit të Institutit Kiel për Ekonomi Botërore është bërë e ditur se vlera totale e pakove të reja ndihme për Ukrainën nga gushti deri në tetor të vitit 2023, ka rënë në nivelin më të ulët në histori.

Ndihma në periudhën nga gushti deri në tetor ka arritur në shifrën prej 2,11 miliardë euro, e cila është shuma më e ulët e ndihmës ofruar Ukrainës që nga janari i vitit 2022.

Gjurmimi i mbështetjes ndaj Ukrainës, duke përfshirë ndihmën ushtarake, financiare dhe humanitare të premtuar për Ukrainën, tregon një rënie prej afër 90 për qind krahasuar me të njëjtën periudhë të vitit 2022. Tani, Ukraina po nis të mbështetet më shumë në grupet kryesore si Shtetet e Bashkuara, Gjermania, si dhe vende nordike dhe lindore-evropiane.

Aid to Ukraine has fallen to historic lows, Kiel Institute of World Economics reports.

Between August and October 2023, the total value of the new packages is estimated to be just €2.11 billion, the lowest amount since January 2022. pic.twitter.com/LnAI69Cgce

— Clash Report (@clashreport) December 7, 2023

Këto vende vazhdojnë të premtojnë dhe ta furnizojnë me ndihma financiare dhe armë kyçe, përfshirë aeroplanë luftarakë F-16. Donatorët kryesor të mbetur aktivë janë vende individuale evropiane si Kroacia, Finlanda, Gjermania, Irlanda, Lituania, Luksemburgu, Holanda, Norvegjia, Suedia dhe Zvicra, si dhe vendet në NATO si Kanada dhe Mbretëria e Bashkuar. Ukraina gjithashtu mund të mbështetet në programe të mëdha të premtuara për disa vjet.

Shtetet e Bashkuara mbeten donatori më i madh ushtarak me një përgjegjësi totale prej 44 miliardë euro. Megjithatë, Gjermania ka pasuar pas me një përgjegjësi totale ushtarake që tani tejkalon 17 miliardë euro.

Projekti i ligjit për miratimin e dhjetëra miliardave dollarëve shpenzime urgjente, përfshirë ndihmën për Ukrainën, ka hasur në pengesa në Kongresin amerikan kur një votim test i rëndësishëm nuk ka arritur të kalonte.

Lideri i shumicës në Kongres, Chuck Schumer, ka mbështetur një votim procedural për të përmirësuar propozim-ligjin. Megjithatë, republikanët nuk e kanë mbështetur atë pa masa më të ashpra sigurie në kufirin amerikano-meksikan.

Rruga Press