Ministri Maqedonci takon kryesuesin e ardhshëm të Komitetit të NATO-s, flasin për agresionin në Banjskë

November 10, 2023 user 1

Ministri i Mbrojtjes, Ejup Maqedonci, gjatë vizitës zyrtare në Itali, së bashku me ambasadoren e Kosovës në Itali, Lendita Haxhitasim, Gjeneralmajor Gëzim Hazrolli si dhe Këshilltaren Politike, Liridona Gashi, kanë takuar kryesuesin e ardhshëm i Komitetit të NATO-s, Admiral Giuseppe Cavo Dragone.

Ata diskutuan për situatën aktuale gjeopolitike, zhvillimin e FSK-së, bashkëpunimin bilateral me Italinë në fushën e mbrojtjes dhe synimin e Kosovës si shtet për anëtarësim në NATO dhe BE.

Lexo më shumë Miratimi i buxhetit 2025, Kurti: Ky buxhet është i qytetarëve dhe për qytetarët

“Admiralin e falënderova për bashkëpunimin e shkëlqyer të deritanishëm, për mbështetjen e vazhdueshme që Italia ka ofruar përmes trupave të KFOR-it dhe EULEX-it”, shkroi Maqedonci në Facebook.

“Nga ana e tij, Admirali shprehu vlerësim të lartë për mënyrën se si është menaxhuar sulmi terrorist në veri të vendit, e po ashtu shfaqi vullnet e gatishmëri të plotë për të përkrahur Kosovën në rrugën drejt anëtarësimit në Programin e Partneritetit për Paqe”, ka shtuar ai.

Lexo më shumë Murati: Gjithsej 3.6 miliardë euro do të jenë në dispozicion për mbështetje të punëtorëve, familjeve, bizneseve, e sektorëve të tjerë strategjikë

Të dy kanë vlerësuar që ruajtja e stabilitetit në Ballkan e më gjerë përbën prioritet, ndërsa koordinimi me partnerët tanë strategjik është lidhja që e garanton këtë.

Rruga Press