A do të ketë sot një takim Kurti-Vuçiq, të ndërmjetësuar nga Macroni në Paris? Flet media pranë Brukselit
Albin Kurti dhe Aleksandër Vuçiq qëndrojnë sot në Paris për Forumin e Paqes me rastin e Ditës së Armëpushimit të Luftës së Parë Botërore.
Edicioni i gjashtë dyditor i këtij forumi mund të kthehet në shansin për një përballje të drejtpërdrejtë mes dy liderëve, por për këtë nuk dihet ende asgjë me saktësi.
Euroactive raporton se një takim i tillë i mundshëm do të ishte mundësi për diskutimin e propozimit perëndimor për normalizimin e raporteve Kosovë-Serbi.
Ndërmjetësi i takimit mund të jetë presidenti francez, Emmanuel Macron, i cili pasi ka pritur në takim kryeministrin Kurti, do të ketë një bisedë kokë më kokë me Vuçiqin. Plani franko-gjerman i kërkon Kosovës themelimin e një Asociacioni pa karakter ekzekutiv, ndërsa Serbisë njohjen de facto.
Rruga Press