Haxhiu: Gjykata Kushtetuese është bërë aleate me opozitën
Ministrja e Drejtësisë, Albulena Haxhiu tha se Gjykata Kushtetuese është bërë institucion aleat me opozitën.
Kështu u shpreh ajo pas deklarimit të deputetes së Partisë Demokratike të Kosovës, Ariana Musliu-Shoshi se pushteti aktual po tenton ta kthejë vendin nga demokracia në autokraci.
Pas deklaratës së Haxhiut kanë deklaruar edhe deputetët e opozitës.
“Mendoj që Gjykata Kushtetuese është bërë aleat i opozitës. Një përpjekje shumë e vështirë por do të jetë e suksesshme”, ka thënë ajo.
Paraprakisht, ministrja ka kritikuar institucionet për mosefikasitet në trajtimin e rasteve të dhunës në familje.
Haxhiu në Komisionin hetimor parlamentar në lidhje me rastet e dhunës seksuale dhe dhunës në familje deklaroi se gjatë këtij viti kanë ndarë buxhet rreth 900 mijë euro për strehimoret. Sipas saj, ky është buxheti më i lartë krahasuar me vitet paraprake.
Rruga Press