60 tonë ndihma humanitare e mjekësore për Gazën, Kryqi i Kuq kërkon kalim të sigurt
Komiteti Ndërkombëtar i Kryqit të Kuq ka thënë se ka mobilizuar një konvoj me 60 tonë ndihma mjekësore dhe humanitare për në Gaza.
Por, ka shtuar se i duhet rrugë e sigurt që t’i dërgojë këto atje.
“Qasja për të ndihmuar të lënduarit dhe të sëmurët është jashtëzakonisht e nevojshme”, thuhet në postimin e ICRC-së.
ICRC ka publikuar pamjet e kamionëve me ndihmat e gatshme për t’u dërguar.
📢 60 tons of desperately needed medical & humanitarian aid mobilized towards Gaza.
— ICRC (@ICRC) October 18, 2023
Footage for media in our #Newsroom
👉 https://t.co/VJvcMyAst9 pic.twitter.com/xw2angmoxN
Më 17 tetor, në një spital në Gazë ndodhi një shpërthim që vrau qindra persona. Izraeli ka mohuar përfshirjen, ndërkaq ka fajësuar grupin militant nga Gaza, Xhihadin Islamik. Por, ky grup po ashtu ka mohuar se qëndron prapa shpërthimit.
Që kur Hamasi kreu sulme të koordinuara më 7 tetor ndaj Izraelit, ky i fundit është kundërpërgjigjur me rrethimin e Gazës dhe me sulme ajrore. Mijëra persona deri më tani janë vrarë si pasojë e dhunës.
Rruga Press