Ish-ushtari britanik i UÇK-së, Jon Harrison: Terroristët synonin t’i sulmonin serbët dhe t’i fajësonin shqiptarët

October 3, 2023 User2

Ish-ushtari britanik i UÇK-së, Jon Harrison, duke folur për sulmin në Banjskë të Zveçanit, ka thënë se terroristët serbë kanë pasur për qëllim ta sulmojnë komunitetin serb në Kosovë dhe t’ua lënë fajin shqiptarëve.

Kështu ka thënë ai në një lidhje direkte në emisionin Info Magazine.

“Mendoj se do të sulmonin zonën me serbë dhe do të fajësonin shqiptarët e Kosovës duke i shtyrë qytetarët të futen në konflikt”, ka thënë Harrison.

Lexo më shumë Shënohet 27-vjetori i daljes së parë të UÇK-së, zbulohet memoriali në Llaushë

“Lutem që Kosova nuk do të përgjigjet. Nuk duhet kthyer me forcë të njëjtë sepse kështu do të dilte Kosova si agresor dhe Serbia do ta luante rolin e viktimës”, ka thënë ai tutje.

Sipas tij, Serbia nuk do të futet në sulm të plotë për momentin sepse nuk e kanë mbështetjen e Rusisë e cila momentalisht është e përqendruar në Ukrainë.

Lexo më shumë Nxirrnin gurë dekorativë në zonën e mbrojtur të malit të Tomorit, tre të arrestuar! Nën hetim drejtori dhe specialisti i AZDM-së Berat

“Mendoj se Policia e Kosovë duhet të vazhdojë të jetë reaguesi i parë i mbrojtjes pa marrë parasysh se çfarë ndodh, të mbështetura nga KFOR-I dhe EULEX-i siç është”, ka thënë ish-luftëtari Harrison.

Rruga Press