Kurti: S’mund të besohet ideja që armët në Banjskë hynë pa përfshirjen e qeverisë serbe

September 28, 2023 user 1

Kryeministri Albin Kurti duke shpërndarë në Twitter fotografi të armëve serbe të gjetura nga aksioni i Policisë në Banjskë të Zveçanit, ka thënë se sasia e madhe e tyre e bën të pabesueshme idenë që ato të kenë hyrë në Kosovë pa përfshirjen e Qeverisë së Serbisë.

Të dielën në Banjskë të Zveçanit nga një grup i organizuar e i armatosur serb u vra polici i Kosovës, Afrim Bunjaku. Në aksionin pasues, Policia rrethoi grupin me dhjetëra persona të uniformuar. Ata u strehuan në Manastirin e Banjskës. Në aksionin e Policisë u vranë tre persona ndërsa u arrestuan tetë. Të tjerët kanë ikur. Pamjet nga droni të policisë kanë treguar lëvizjet e të uniformuarve në hapësirat e manastirit.

Lexo më shumë Bislimi: Vetëvendosje nuk do të bëjë koalicion me asnjë parti opozitare pas zgjedhjeve

Policia ka kapur arsenal armësh. Shumica e tyre janë të prodhuara nga vetë Serbia.

“Armët dhe pajisjet tjera që u përdorën në sulmet terroriste të kësaj jave u prodhuan nga prodhuesit shtetërorë serbë të armëve ushtarake. Ideja që 26 SUV-at ushtarakë (xhipat ushtarakë) dhe arsenali i madh i prodhuar nga shteti serb, hynë në Kosovë, të gjitha pa përfshirjen e qeverisë serbe, thjeshtë s’është e besueshme”, ka shkruar Kurti në Twitter të enjten.

The weapons & other equipment used in this week's terrorist attacks were made by Serbian state-owned military arms producers. The idea that 26 military SUVs & a vast Serbian state-produced arsenal entered Kosova, all without the Serbian govt's involvement, is simply not credible. pic.twitter.com/TRt2lR4gkF
— Albin Kurti (@albinkurti) September 28, 2023