Ukraina raporton për suksese në fushëbetejë para takimit Biden-Zelensky

Ukraina ka raportuar për fitore të shumta në kundërofensivën ndaj forcave ruse, ndërkohë që presidenti i vendit, Volodymyr Zelensky, përgatitet për një takim me presidentin e SHBA-së, Joe Biden. Takimi i planifikuar për javën e ardhshme mund të rezultojë i rëndësishëm për sigurimin e mbështetjes së mëtejshme ndërkombëtare për Kievin në luftën kundër Rusisë.

Në orët e vona të 14 shtatorit, disa media cituan zyrtarë amerikanë të paidentifikuar duke konfirmuar se Bideni do të takohej me Zelenskyn në margjinat e takimeve të Asamblesë së Përgjithshme të OKB-së në SHBA javën e ardhshme.

Liderët e SHBA-së dhe Ukrainës priten të flasin në sesionin e 78-të të mbledhjes së OKB-së, më 19 shtator.

Zelensky pritet ta përdorë takimin e tij me liderët amerikanë dhe botërorë për të siguruar mbështetje dhe për të kërkuar armë dhe municione të avancuara, ndërsa pushtimi i Ukrainës nga Rusia po i afrohet muajit të 20-të.

Një instruktor ushtarak i ushtrisë amerikane shihet pranë ushtarakëve ukrainas gjatë stërvitjeve shumëkombëshe “Rapid Trident 2019” në Qendrën Ndërkombëtare të Paqes dhe Sigurisë pranë Lviv, 24 shtator 2019.

Washington Post raportoi se vizita e Zelenskyt është pjesë e një shtytjeje të përbashkët “për ta detyruar Kongresin amerikan të sigurojë 24 miliardë dollarë ndihmë shtesë për Ukrainën”.

Rruga Press