Sulmi me dron në bazën ajrore ruse u krye nga brenda Rusisë, pretendon Kievi

September 1, 2023 user 1

Sulmi me dron në një bazë ajrore në qytetin rus të Pskov të martën u nis nga brenda Rusisë, tha shefi i inteligjencës ushtarake të Ukrainës.

Kyrylo Budanov tha se dy avionë mallrash Ilyushin u shkatërruan dhe dy u dëmtuan. Rusia thotë se katër të tillë janë dëmtuar, shkruan BBC.

Budanov nuk tha nëse sulmi ishte kryer nga operativë ukrainas apo rusë.

Lexo më shumë Një epokë e re në bashkëpunimin ushtarak: Ja se si vendet anëtare të BE-së “po bashkohen për një mbrojtje të avancuar”

Sulmet me dronë të Ukrainës ndaj Rusisë ndodhin pothuajse çdo ditë. Ajo kishte pranuar tashmë sulmin në Pskov.

Por komentet e Budanov duket se i japin fund spekulimeve se ajo ishte shkaktuar nga një armë me rreze të gjatë.

Presidenti Volodymyr Zelensky tha të enjten se një armë e prodhimit ukrainas kishte goditur një objektiv në një distancë prej 700 km. Pskov është gati 700 km nga kufiri ukrainas

Lexo më shumë Kanadaja ia dorëzoi forcave ukrainase sistemin ushtarak NASAMS

“Ne po punojmë nga territori i Rusisë”, tha zoti Budanov për faqen e internetit të Zonës së Luftës të enjten, pa thënë se çfarë lloji apo sasie të dronëve janë përdorur.

Ai tha se dronët synonin majat e avionit dhe vendndodhjen e rezervuarëve të karburantit.

Rruga Press