Hungaria bllokon planin evropian për mbështetjen ushtarake prej 20 miliardë eurosh për Ukrainën

July 21, 2023 user 1

Hungaria kundërshton planin evropian për mbështetjen ushtarake prej 20 miliardë eurosh për Ukrainën.

Në Bruksel, ministrat e punëve të jashtme të Bashkimit Evropian diskutuan një propozim që do të ndajë të paktën pesë miliardë euro në vit për katër vitet e ardhshme për të mbuluar kostot e vendeve të BE-së që blejnë dhe i dhurojnë armë Ukrainës, si dhe për trajnimin e trupave ukrainase.

Lexo më shumë Konjufca takon homologen bullgare në Sofje dhe mban fjalim në takimin ministror të SEECP: Hekurudha Prishtinë–Durrës është projekt strategjik për lidhshmërinë e vendit tonë dhe të rajonit me BE-në

Por, gjatë takimit, Hungaria tha se do të kundërshtonte planin derisa ukrainasit të hiqnin bankën hungareze OTP nga lista e saj e “sponsorëve të luftës”.

Peter Szijjarto, ministri i jashtëm i Hungarisë, tha se Budapesti nuk do të miratojë ndarjen e fondeve për Fondin Evropian të Paqes (EPF), të cilin Brukseli e përdor për të mbështetur dërgesat e armëve në Ukrainë, derisa OTP të hiqet nga lista.

“Ne nuk mund të negociojmë detyrimet e reja financiare të EPF përpara se të zgjidhet OTP”, tha ai.

Lexo më shumë Komandant Jashari i FSK-së pret në takim Zv. Agjutantin e Gardës Kombëtare të Ajovës së ShBA-së

Politico raportoi më parë se Bashkimi Evropian pret miratimin e kësaj nisme deri në vjeshtë.

Agjencia Kombëtare për Parandalimin e Korrupsionit (NACP) përfshiu bankën hungareze OTP në listën e “sponsorëve të luftës” ndërkombëtare.

Rruga Press