Von der Leyen i kërkon Vuçiqit të kthehet në dialog
Presidentja e Komisionit Evropian, Ursula von der Leyen, ka folur të martën me presidentin e Serbisë, Aleksandar Vuçiq, nga i cili ka kërkuar që të bëjë të gjitha përpjekjet për kthim në dialog.
Von der Leyen ka thënë se ka biseduar edhe për rolin e Serbisë në uljen e tensioneve në veri të Kosovës.
“Fola me presidentin Aleksandar Vuçiq sot për rolin e Serbisë në uljen e tensioneve në veri të Kosovës. I kërkova që të bëjë të gjitha përpjekjet për të mbështetur kthimin në dialogun e lehtësuar nga BE-ja për normalizimin e marrëdhënieve ndërmjet Serbisë dhe Kosovës”, ka shkruar Von der Leyen në Twitter.
Von der Leyen bisedoi më herët edhe me kryeministrin Albin Kurti, duke kërkuar që shtensionet situata dhe palët të kthehen në dialog.
Spoke with President @avucic today about Serbia’s role in deescalating the tensions in the north of Kosovo.
— Ursula von der Leyen (@vonderleyen) June 27, 2023
I asked him to make all efforts to support the return to EU facilitated dialogue on normalisation of relations between Serbia and Kosovo.
Rruga Press