Shpërthime të tjera në Odessa. Zelensky: Trupat tanë po avancojnë

Shumë shpërthime janë dëgjuar gjatë natës në qytetin port të Odessa-s në jug të Ukrainës. Mediat vendase raportuan se autoritetet ushtarake kanë aktivizuar mbrojtjen ajrore në të gjithë rajonin. Të hënën administrata ushtarake rajonale e Odessa-s raportoi se trupat ruse lëshuan katër raketa lundrimi të tipit Kalibr nga Deti i Zi. Ato u shkatërruan të gjitha në qiell nga forcat e mbrojtjes.
Presidenti i Ukrainës Volodymyr Zelensky tha të dielën se luftimet më të ashpra janë në frontin jugor. Ai vlerësoi forcat e Kievit për zmbrapsjen e sulmeve ruse në lindje.

“Trupat ukrainase po përparojnë, pozicion pas pozicioni, hap pas hapi dhe po ecin përpara”, tha ai.

Ndërkohë OKB-ja ka akuzuar Rusinë se vazhdon të bllokojë dërgesat e ndihmave humanitare në zonat e kontrolluara nga Moska në Ukrainën lindore, të cilat janë goditur nga plasja e digës Kakhovka. Shpërthimi i barrierës përmbyti pjesë të mëdha të rajonit Kherson. Kjo detyroi mijëra persona të largohen duke rritur frikën për një fatkeqësi mjedisore.

Rruga Press