Vritet gjenerali i Rusisë në Zaporizhzhia

Një sulm me raketa ukrainase në frontin jugor të Zaporizhzhia vrau një gjeneral rus me përvojë, kanë raportuar mediat ruse, transmeton The Guardian.

“Si rezultat i një sulmi me raketa të armikut, shefi i Shtabit të Ushtrisë së Kombinuar të Armëve të 35-të, Gjeneral Major Sergey Goryachev, u vra”, ka thënë blogeri i shquar pro-luftës ‘Voenkor’ në një postim në Telegram.

Goryachev, një komandant i dekoruar, ka udhëhequr më parë trupat ruse në rajonin separatist të Transnistrisë të Moldavisë.

‘Voenkor’ shtoi se “sipas përfaqësuesve të komandës së Grupit të Bashkuar të Forcave (S), ushtria ka humbur sot një nga udhëheqësit ushtarakë më të ndritur dhe më efektiv’.

Goryachev mund të jetë vrarë nga një raketë lundrimi Storm Shadow e furnizuar nga Britania e Madhe.

Ministria ruse e mbrojtjes ende nuk ka komentuar mbi vdekjen e raportuar të Goryachevit.

Rajoni i Zaporizhzhia, prej të cilit rreth 80% kontrollohet nga forcat ruse, besohet të jetë një nga fokuset kryesore të kundërofensive të Ukrainës.

Rruga Press