Ish-presidenti Nicolas Sarkozy humb në Apel, lihet në fuqi dënimi për korrupsion

Ish-presidenti francez, Nicolas Sarkozy, ka humbur dhe në Apel kundër vendimit të gjykatës për burgosjen e tij për korrupsion.

Megjithatë, Gjykata e Apelit në Paris, ka marrë vendim që ai mund të qëndrojë në arrest shtëpiak, në vend të shkuarjes në burg.

Më 2021, Sarkozy është dënuar me tre vjet burgim për tentimet që të ndikojë te një gjyqtar, në një rast gjyqësor.

Sarkozy, 67-vjeçar, është ish-presidenti i parë francez që është dënuar me burgim, shkruan rel.

Ai është dënuar pasi, sipas gjykatës, Sarkozy ka tentuar të sigurojë informacion për një rast më 2014 – pasi është larguar nga pushteti – duke sugjeruar se mund t’ia garantojë gjyqtarit një pozitë prestigjoze.

Nicolas Sarkozy ka shërbyer një mandat pesëvjeçar si president, prej vitit 2007.

Ai i ka miratuar disa politika të ashpra kundër migrimit, dhe ka tentuar të reformojë ekonominë e Francës.

Por, në atë periudhë, e gjithë bota është përballur me krizë financiare.

Rruga Press