Stoltenberg: Detyra kryesore e NATO-s tani është të sigurojë fitoren e Ukrainës ndaj Rusisë

Sekretari i Përgjithshëm i NATO-s, Jens Stoltenberg në Samitin e Demokracisë në Kopenhagë deklaroi se detyra më urgjente e NATO-s është të sigurojë që Ukraina të fitojë kundër luftës me Rusinë. 

“Detyra më urgjente tani është të sigurohet që Ukraina të mbizotërojë – që presidenti (rus) Putin të mos e fitojë këtë luftë. Në thelb, detyra e NATO-s është të mbështesë Ukrainën, siç kanë bërë aleatët e NATO-s dhe NATO-ja tani për më shumë se një vit, por edhe të parandalojë që kjo luftë të përshkallëzohet përtej Ukrainës”, tha Stoltenberg. 

Shefi i aleancës së udhëhequr nga SHBA deklaroi gjithashtu se është e rëndësishme që Ukraina të jetë e armatosur për të mbrojtur veten nga agresioni rus tani dhe në të ardhmen, shkruan CNN. 

“Ne nuk e dimë se si do të përfundojë kjo luftë, por ajo që dimë është se kur të përfundojë, është jashtëzakonisht e rëndësishme që ne të jemi në gjendje të parandalojmë që historia të përsëritet”, shtoi ai.

Shefi i NATO-s tha se ai pret që Ukraina të bashkohet me aleancën kur të përfundojë lufta. 

Rruga Press