Kundërshtari i Erdogan akuzon Rusinë për shpifje

Rivali kryesor i presidentit turk Recep Tayyip Erdogan për zgjedhjet presidenciale të 14 majit ka akuzuar Rusinë për shpifje, duke ndërhyrë në fushatën presidenciale.

Këto akuza të Kemal Kılıçdaroglu vijnë disa orë pasi një tjetër kandidat u largua nga gara pasi u bë shënjestër e një fushate shpifjesh në rrjetet sociale.

“Të dashur miq rusë, ju qëndroni pas trillimeve, komploteve, falsifikimeve dhe videove që dolën dje në këtë vend. Nëse e doni miqësinë tonë pas 15 majit, mos e prekni shtetin turk, ne jemi gjithmonë pro bashkëpunimin dhe miqësisë”, ka shkruar ai në një mesazh në Twitter.

Sipas sondazheve, lideri i opozitës ka epërsi ndaj Erdoganit. Nëse asnjë kandidat nuk merr më shumë se 50% të votave, raundi i dytë do të mbahet më 28 maj.

Një kandidat i tretë, Muharrem Ince, u tërhoq. Ai e bëri të ditur vendimin e tij pasi u bë shënjestër e një fushate shpifjesh në rrjetet sociale.

Situata vazhdon të jetë e tensionuar 72 orë deri në ditën e zgjedhjeve, ndërsa ekziston rreziku që Erdogan dhe partia e tij për Drejtësi dhe Zhvillim ( AKP ) të mund të kontrollojnë në mënyrë disproporcionale të gjithë botën dixhitale për të kushtëzuar rezultatin e zgjedhjeve.

Në të vërtetë, qeveria turke ka shtuar të gjitha përpjekjet për të censuruar dhe forcuar “kontrollin mbi mediat sociale dhe faqet e pavarura të lajmeve në internet në prag të këtyre zgjedhjeve”, shkruan Deborah Brown, studiuese në HRW, dhe për këtë arsye këto zgjedhje janë gjithashtu të rëndësishme sepse ato janë një provë për të kuptuar cilësinë e lajmeve që qarkullojnë në kudo në Turqi.

Rruga Press