Mijëra njerëz humbin kursimet nga aplikacioni për tregtimin e kriptovalutave
Mijëra njerëz besohet se kanë humbur kursimet e tyre pasi kanë investuar në një aplikacion për tregtimin e kriptovalutave të quajtur iEarn Bot.
Ekspertët që kanë hetuar kompaninë thonë se mund të jetë një nga skandalet më të mëdha të kriptos deri më sot.
Tregtimi me kriptovaluta është bërë popullor, me njerëzit që shpesh premtojnë shpërblime të mëdha për periudha të shkurtra.
Por agjencitë e zbatimit të ligjit paralajmërojnë për një numër në rritje të mashtrimeve dhe rekomandojnë investitorët të bëjnë “kujdesin e duhur”, raportoi BBC.
Një qytetare nga Rumania thotë se humbi qindra euro kur investoi në iEarn Bot.
Në Rumani, dhjetëra figura të profilit të lartë, duke përfshirë zyrtarë qeveritarë dhe akademikë, u bindën të investonin nëpërmjet aplikacionit sepse ai u sponsorizua nga Gabriel Garais, një ekspert kryesor i IT në vend.
Garais thotë se edhe ai u mashtrua duke investuar kursimet e tij në aplikacion dhe humbi paratë e tij.
Ajo që ndodhi në Rumani nuk është një incident i izoluar. As nuk është unike për Rumaninë.
Rruga Press