(Video) Publikohen pamjet e përplasjes së dronit amerikan me avionin luftarak rus

Komanda Evropiane e Ushtrisë Amerikane ka publikuar një video të incidentit mbi Detin e Zi ku përfshihej një dron vëzhgues amerikan dhe një avion luftarak rus, i cili ndodhi pak ditë më parë.

Videoja u deklasifikua së fundmi, pas së cilës u publikua dhe tregon momente kritike të konfliktit në ajër, për të cilin Pentagoni ka thënë se zgjati 30-40 minuta, shkruan CNN. 

Videoja tregon dronin MQ-9 Reaper, kur një avion luftarak rus Sukhoi SU-27 u shfaq duke u afruar. Ndërsa përgjonte dronin amerikan dhe i afrohej atij, avioni rus i hedhi karburant dronit.

Në pjesën e dytë të videos, shihet avioni rus duke kaluar edhe një herë dronin, duke u afruar dhe duke hedhur sërish karburant.

Më pas, avioni luftarak rus përplaset me dronin dhe kur lthehet pamjet, mund të shihet helika e dronit e dëmtuar nga përplasja.

Një situatë e tillë detyroi SHBA-në ta rrëzojë avionin në Detin e Zi.

Rusia mohoi se kishte përplasje dhe amerikanët theksuan se operatorët kishin fshirë nga distanca softuerin e dronit në mënyrë që materialet sekrete të mos binin në duart e armikut.

Uashingtoni nuk e ka gjetur ende dronin dhe Moska e ka bërë të qartë se do të përpiqet të marrë rrënojat e dronit nëse e gjen.

Rruga Press