Eurodeputeti holandez: Vuçiqi e shfrytëzon BE-në si bankomat pastaj e refuzon

March 4, 2023 user 1

Eurodeputeti holandez, Thijs Reuten, i ka kërkuar Komisionit Evropian t’i shpjegojë se përse vazhdon ta financojë Serbinë dhe t’i ndihmojë pushtetit të Vuçiqit në Serbi, derisa ai refuzon të nënshkruajë marrëveshjen e ndërmjetësuar nga BE-ja me Republikën e Kosovës.

Reuten ka shkruar në Twitter se Vuçiqi po e shfrytëzon BE-në si bankomat të saj. Ai ka kërkuar që të ndalet financimi i Vuçiqit.

“Sot, i kërkova Komisionit Evropian (KE) të shpjegojë politikën e saj të pakuptueshme ndaj Serbisë. Vuçiqi përdor Bashkimin Evropian si bankomat të tij, pastaj kthehet dhe refuzon të nënshkruajë marrëveshjen e ndërmjetësuar nga BE-ja me Republikën e Kosovës. Ndaloni këtë financim vetëshkatërrues të obstruksionizmit të Vuçiqit”, ka shkruar Reuten.

Today, I asked the @EU_Commission to explain its unintelligible Serbia 🇷🇸 policy.

Vučić uses the European Union as his ATM, then turns around and refuses to sign the EU-brokered agreement with the Republic of Kosovo.

Stop this self-defeating funding of Vučić’s obstructionism. pic.twitter.com/KtSHYUWZvG
— Thijs Reuten 🇪🇺🌹 (@thijsreuten) March 3, 2023

Në letrën e tij dërguar KE-së, Reuten shkruan se ky organ i BE-së i ndau së fundmi grante në vlerë prej 600 milionë euro Serbisë, derisa siç ka shkruar, në të njëjtën ditë, Vuçiqi doli para gazetarëve për të paraqitur mosgatishmërinë e tij për të nënshkruar marrëveshjen për normalizimin e marrëdhënieve me Kosovën

Lexo më shumë Pas fitorës së raundit të parë të zgjedhjeve nga kandidati anti-Nato, Presidenti i Rumanisë mbledh Këshillin e Lartë të Mbrojtjes për cënimet e sigurisë nga Tiktok-u

Ai ka pyetur në letrën e tij se çfarë hapash do të ndërmarrë BE-ja për ta detyruar Serbinë që ta nënshkruajë marrëveshjen me Kosovën.