Arrestohet lideri i ekstremit të djathtë të Serbisë – Trajkoviq thotë se ai është shoku i djalit të Vuçiqit
Policia serbe ka arrestuar të enjten Damjan Knezheviqin, liderin e organizatës së krahut të djathtë “Patrulla Popullore” të Serbisë.
Gjithashtu janë arrestuar edhe dy anëtarë të asaj organizate, pas incidenteve të një nate më parë te Presidenca e Serbisë.
Tre të arrestuarit akuzohen se u kanë bërë thirrje qytetarëve që të mblidhen në masë të madhe në Beograd dhe të rrëzojnë me dhunë Qeverinë dhe Presidentin e Republikës së Serbisë.
Organizatorët e protestës u kanë kërkuar autoriteteve në Beograd që të tërhiqen nga negociatat me Kosovën dhe presidenti serb të mos marrë pjesë në dialog.
Ndërkohë, Rada Trajkoviq, këshilltarja e ministrit për Kthim dhe Komunitete në qeverinë e Kosovës, ka reaguar ndaj këtyre zhvillimeve në Beograd.
“Prisni: Vuçiq pretendon se po kërcënohet nga ky djalosh i Patrullës Popullore, i cili duket se është shoku i djalit të tij dhe është i veshur me një bluzë “Nuk ka dorëzim”…”, ka shkruar ajo në Twitter.
Ndryshe, Kosova dhe Serbia i kanë nisur negociatat në vitin 2011. Gjatë kësaj kohe janë nënshkruar 33 marrëveshje, por shumë pak prej tyre janë zbatuar deri më tani.
Čekajte:
— Rada Trajkovic (@trajkovic_rada) February 16, 2023
Vučić tvrdi da mu preti ovaj momak iz Narodnih patrola koji je izgleda prijatelj njegovog sina, obučen u majcu “Nema predaje” koje – po rečima samog Vučića pre neki dan u Skupštini – štampa sâm SNS.
Opšta konfuzija.
Rruga Press