Parashikoi tërmetin, kush është sudiuesi holandez. Çfarë deklaroi pas tragjedisë

Një studiues nga Holanda parashikoi tërmetin në Turqi, vetëm tre ditë para se të ndodhte. Studiuesi holandez i quajtur Frank Hoogerbeets nga Solar System Geometry Survey (SSGEOS) lëshoi një paralajmërim në Twitter tre ditë më parë se një tërmet masiv do të tronditë Turqinë. Agjencia për të cilën punon Hoogerbeets, Solar System Geometry Survey është një institut kërkimor që monitoron gjeometrinë e trupave qiellorë në lidhje me aktivitetin sizmik. Parashikimi i tij u bë realitet mëngjesin e 6 shkurtit, kur një tërmet me magnitudë 7.8 goditi Turqinë dhe Sirinë që deri më tani ka shkaktuar vdekjen e mbi 1,700 njerëzve.

“Herët a vonë do të ketë një tërmet 7,5 ballë në këtë rajon (Turqia, Jordani, Siri, Liban),” shkroi Frank Hoogerbeets në Tëitter më 3 janar. Megjithatë, jo shumë përdorues të rrjetit i kushtuan vëmendje parashikimit deri të hënën. Tweet-i i Hoogerbeets tani ka mbi 21 milionë shikime, 77.9 mijë pëlqime dhe mbi 23 mijë retweet. Eksperti holandez është ende duke përdorur platformën e tij për t’i mbajtur njerëzit të përditësuar për situatën aktuale.

Hoogerbeets shprehu gjithashtu ngushëllimet e tij për tragjedinë. “Zemra ime është me të gjithë të prekurit nga tërmeti i madh në Turqinë Qendrore. Siç e thashë më herët, herët a vonë kjo do të ndodhte në këtë rajon, ngjashëm me vitet 115 dhe 526. Këta tërmete gjithmonë paraprihen nga gjeometria kritike planetare, siç ndodhi në 4 dhe 5 shkurt”, shkroi Hoogerbeets në Twitter.

Tërmeti shkatërrues në Turqi dhe Siri ende nuk ka një bilanc të numrit të viktimave që ka shkaktuar, në një kohë që mijëra trupa të pajetë janë nxjerrë nga rrënojat, por ende vijon kërkimi për të tjerë që mund të jenë gjallë të bllokuar në gërmadha.

Rruga Press