Zelensky: Ne nuk e filluam luftën, por ne do e përfundojmë atë
Presidenti i Ukrainës, Volodymyr Zelensky, ka thënë që edhe pse ukrainasit nuk ishin ata që e nisën luftën, janë ata që duhet t’i japin fund asaj.
Zelensky e bëri këtë deklaratë gjatë një videofjalimi për Forumin Ekonomik-Botëror që po mbahet në Davos të Zvicrës.
“Mendoj se lufta nuk duket mirë, nuk ka qenë mirë që nga fillimi. Po ne po qëndrojmë të fortë edhe në lindje të shtetit tonë. Është shumë me rëndësi të dihet se ne jemi të fortë, jo vetëm në lindje por edhe në brendësi të shtetit. Nuk e filluam ne luftën, mirëpo ne do të duhet t’i japim fund asaj”, ka thënë Zelensky.
Ai ka shtuar se Ukraina ende ka nevojë për ndihmën e aleatëve, teksa i ka falënderuar ata për ndihmën e vazhdueshme.
Rruga Press