Ish-pjesëtari i “Skorpionëve” arrestohet në Greqi si lider i kartelit të drogës

Sasha Cvijetan, ish-pjesëtar i njësisë “Skorpion” në kuadër të Ministrisë së Punëve të Brendshme të Serbisë, që qe dënuar për 20 vjet burgim për masakrën e 28 marsit 1999 ndaj civilëve shqiptarë në Podujevë, është arrestuar së fundmi në Greqi si lider i kartelit të drogës, kanë raportuar mediume serbe e greke të enjten.

Në vitin 2005, në Gjykatën e Qarkut në Beograd, Cvijetani ishte dënuar me 20 vjet burgim për masakrën në Kosovë. Megjithatë, më 2018, ai qe liruar me arsyetimin se është “risocializuar”. “Skorpionët” patën pushkatuar në oborrin e në Podujevë 14 anëtarë të familjeve Bogujevci, Duriqi e Llugaliu, shtatë fëmijë të moshës prej 2 deri 15 vjeç dhe shtatë gra.

Tani në Greqi, Cvijetan u arrestua falë bashkëpunimit të Policisë së Greqisë me Agjencinë Amerikane kundër Drogës. 11 persona u arrestuan në një operacion. Në të u kapën 6 serbë. Policia greke ka zbuluar se grupi kriminel shfrytëzonte dy mësues grekë për t’u shitur drogë nxënësve të shkollave fillore.

Siç shkruan “24Sedam”, Cvijetan ishte lider i grupit prej 11 personash të arrestuar në Athinë.

Rruga Press