Hungarezët protestojnë në mes të vështirësive ekonomike në rritje

Një nga protestat më të mëdha që ka ndodhur në Budapest në dekadat e fundit është ajo e 23 tetorit. Qytetarët hungarezë protestuan për shumë çështje, mes tyre për pagat dhe gjendjen e mësuesve në mes të vështirësive ekonomike në rritje, nën udhëheqjen e liderit populist, Viktor Orban.

Kjo ishte një nga protestat më të mëdha me të cilat është përballur qeveria e Viktor Orbanit. Protestuesit u mblodhën për një sërë çështjesh, duke përfshirë pagat për mësuesit dhe situatën e rëndë ekonomike në Hungari.

Hungaria është goditur rëndë nga rritja masive e inflacionit që nga fillimi i vitit 2021.

Norma aktuale e inflacionit të Hungarisë është rreth 20 për qind. Ndërsa vlera e forintës ka rënë me 25 përqind kundrejt dollarit gjatë vitit të kaluar.

Që nga fillimi i vitit shkollor 2022, mësuesit dhe studentët kanë mbajtur demonstrata në Budapest dhe gjetkë për të treguar mbështetje për mësuesit e shkarkuar për shkak të bashkimit me protestat e mëparshme.

Një dekret i Qeverisë në shkurt uli në mënyrë drastike të drejtën e mësuesve për grevë.

Gjatë fjalimit, ai e krahasoi Bashkimin Evropian me Bashkimin Sovjetik, duke thënë se blloku shumëkombësh do të “përfundonte në të njëjtin vend si paraardhësit e tyre”./REL

Rruga Press