Inteligjenca britanike bën përditësimin e saj për luftën në Ukrainë

Ministria e Mbrojtjes e Mbretërisë së Bashkuar (MM) ka publikuar raportin e saj të fundit të inteligjencës mbi krizën në Ukrainë. 

Në deklaratën e saj, ministria britanike shkruan se pajisjet ruse tani përbëjnë një pjesë të madhe të pajisjeve ushtarake të Ukrainës.

Raporti shkruan më tej se Ukraina ka të ngjarë të ketë konfiskuar të paktën 440 tanke luftarake kryesore ruse, dhe rreth 650 automjete të tjera të blinduara që nga pushtimi, të cilat përbëjnë gjysmën e flotës së tankeve të Ukrainës që aktualisht është në terren.

Ndërkohë, dështimi i ekuipazheve ruse për të shkatërruar pajisjet e paprekura përpara se të tërhiqen ose të dorëzohen “theksojnë gjendjen e tyre të dobët të stërvitjes dhe nivelet e ulëta të disiplinës së betejës”, tha ministria.

Raporti shton: “Me formacionet ruse nën tendosje të rëndë në disa sektorë dhe trupat gjithnjë e më të demoralizuara, Rusia ka të ngjarë të vazhdojë të humbasë armatimin e rëndë.”

Rruga Press