Lajme

Von Cramon përshëndet marrëveshjen e reciprocitetit për dokumentet: Një hap më afër zgjidhjes përfundimtare

Von Cramon përshëndet marrëveshjen e dokumenteve: Një hap më afër zgjidhjes përfundimtare

Raportuesja për Kosovën në Parlamentin Evropian, Viola Von Cramon, ka përshendetur marrëveshjen mes Kosovës dhe Serbisë për largimin e dokumenteve të përkohshme për hyrje-dalje dhe njohjes së letërnjoftimeve mes dy shteteve.

Viola Von Cramon, me anë të një postimi në Twitter, ka thënë se ndahet e kënaqur të dëgjojë se është arritur një marrëveshje falë lidershipit evropian dhe atij amerikan.

Lexo më shumë  Haxhiu prezanton projektplanin për agjendën parlamentare për çështje të grave dhe barazi gjinore

“Ndihem e kënaqur të dëgjoj se është arritur një marrëveshje nën lidershipin evropian dhe mbështetjen e qartë të Escobar (SHBA)”, ka shkruar ajo.

“Shpresojmë që zbatimi i shpejtë do të çojë në gjetjen e zgjidhjes së targave të makinave dhe na sjellë më afër marrëveshjes përfundimtare për normalizimin e raporteve”, përfundon postimi i raportueses për Kosovën.

Gjatë kësaj jave, Escobar dhe Lajçak qëndruan në Kosovë dhe Serbi, ku diskutuan me liderët shtetërorë dhe partiakë për çështjen e dokumenteve dhe targave. Ata thanë se palët duhet të zotohen se do të shmangin dhunën më 1 shtator.

Lexo më shumë  Kurti: Kosova po dëshmon qëndrueshmëri ekonomike, rritja arriti në 4.7 përqind

Vendimi i 26 qershorit i Qeverisë së Kosovës për targat dhe dokumentet serbe rriti tensionet në veri të vendit.

Por, bashkësia ndërkombëtare u angazhua për të bindur palët që të arrinin marrëveshje për të shmangur përshkallëzimin e situatës më 1 shtator, kur duhej të hynte në fuqi vendimi për dokumentet serbe, por edhe për target.

Rruga Press

YouTube player

Leave a Reply

Your email address will not be published. Required fields are marked *