OKB: Më shumë se 6.6 milionë ukrainas janë strehuar në Evropë që nga fillimi i luftës

Që nga 17 gushti, gjithsej 6,657,918 refugjatë nga Ukraina janë regjistruar në të gjithë Evropën, sipas Komisionerit të Lartë të Organizatës të Kombeve të Bashkuara për Refugjatët.

Miliona njerëz janë larguar nga shtëpitë e tyre dhe kanë nevojë për ndihmë humanitare, në atë që është bërë kriza më e madhe dhe më e shpejtë e zhvendosjes që nga Lufta e Dytë Botërore.

Vlerësimi i OKB-së për refugjatët në Evropë përfshin regjistrimet për mbrojtje të përkohshme ose një skemë të ngjashme të mbrojtjes kombëtare dhe numrin e kërkesave për azil të paraqitura nga refugjatët nga Ukraina.

Rruga Press